ຕອນທີ
28
#
ນິມິດສະຫວັນ
ສຸມາລີ ນັ່ງນິ້ງ ແນມເບິ່ງວາລີ
ເຊິ່ງມີຝູງປາຊີວ ລ່ອງລອຍໃນນ້ຳ
ບາງຄັ້ງນາງນຳເອົາຫຍ້າ ເດັດມາຈີກຄ່ອຍໆ
ບາງຄັ້ງນາງຍິ້ມນ້ອຍໆ ຍາມໂຍນຫຍ້າຖິ້ມໃສ່ປາ
ຢູ່ອີກຟາກໜ້ານ້ຳ ກ້ຳນຶ່ງຂອງໜອງ
ນົກເຕັນຊີວຫຼຽວມອງ ເບິ່ງປາຢູ່ໃນນ້ຳ
ດວງຕາດຳຂອງມັນນັ້ນ ແນມອາຫານຢ່າງຈົດຈໍ່
ໄດ້ຍິນປາຄໍ່ບ້ອນ ມັນນັ້ນກໍ່ເຫຼືອດແນມ
ຕາມແຄມໜອງເຕັມໄປດ້ວຍ ຫຍ້າຂຽວອ່ອນເຢັນຕາ
ລົມພັດມາເບົາໆ ເບິ່ງຫຍ້າເໜັງເປັນຄື້ນ
ສົດຊື່ນໃຈຍາມມາຫຼິ້ນ ເຫັນຄວາມງາມທີ່ຜຸດຜ່ອງ
ທຳມະຊາດເອກຢ້ອງ ປະດັບສ້າງແຕ່ງມາ
ແວວຕານາງຊື່ນຊ້ອຍ ສຸດທີ່ມີສຸກ
ສິ່ງຜູກພັນຄາວຫຼັງ ແຫ່ງນາງຍັງຈຳໄດ້
ວັນນັ້ນໃນແຄມສະນີ້ ຍັງມີໃຜຜູ້ໜຶ່ງ
ເຊິ່ງເຂົານັ່ງຢູ່ຂ້າງ ວາຈາເວົ້າຕໍ່ນາງ
ເຂົາວາງຄຳອ່ອນຊ້ອຍ ຊຶ້ງຊ່າໃນໃຈ
"
ຫາກວັນໃດສອງເຮົາ ໄດ້ຮ່ວມຮຽງຄຽງໃກ້
ຄວາມຫວັງໃນໃຈຂ້ອຍ ອະທິຖານໄວ້ວ່າ
"
ຕົວເຂົາແນມເບິ່ງໜ້າ ພ້ອມຮອຍຍິ້ມທີ່ຊື່ນຊຳ
"
ຈະສ້າງເຮືອນແຄມສາຍນ້ຳ ທີ່ໄຫຼລ່ອງທັງປີ
ແຄມວາລີມີສວນຄົວ ປູກພືດພັນລຽນຊ້ອນ
ມີບ່ອນເດີນຊົມຫຼິ້ນ ນາໆດອກໄມ້ປ່າ
ທີ່່ນຳມາປູກໄວ້ ແຄມຂ້າງຄູ່ເຮືອນ
ມີເຈົ້າເປັນເພື່ອນຂ້ອຍ ຍາມຍ່າງຊົມສວນ
ຫອມຫ່ວນອາຍເກສອນ ເມື່ອລົມໂຊຍຕ້ອງ
ເຮົົາສອງເດີນຄຽງຂ້າງ ຄວງແຂນຢ່າງຊ້ອຍຊື່ນ
ກັບວັນຄືນຟ້າຮຸ່ງແຈ້ງ ແສງເດືອນຈ້າສາດສ່ອງດິນ
ຟັງຍິນສຽງຈິລໍ່ຮ້ອງ ວ່ອນໆຢູ່ຕາມຮູ
ປະສານລົມຊູໂຊຍ ພັດຜ່ານຕາມໃບພ້າວ
ຟ້ານວນຂາວຄືນເພັງແຈ້ງ ແສງຈັນທາສາດສ່ອງ
ຈັນແນມເຫັນຄົງກ່າວຍ້ອງ ວ່າເຮົານີ້ຊ່າງຮັກກັນ
"
" ນັ່ງຝັນຫວານຢູ່ໄດ້ ຈັ່ງແມ່ນໃຈລອຍ
ຂ້ອຍບໍ່ເຫັນດີນຳ ຄິດລະອາຍຊາວບ້ານ
ຢ້ານພວກເຂົາປະຈານຫຼິ້ນ ນິນທາເຮົາເວົ້າໃສ່
"
ເຈົ້າມີຍິ້ມໃຫ້ແກ່ຂ້ອຍ ແລ້ວຈາເວົ້າຕໍ່ໄປ
"
ນັ້ນເປັນພຽງສິ່ງຄິດໄວ້ ປຽບເໝືອນດັ່ງຄວາມຝັນ
ເບິ່ງນັ້ນດູຕົວປາ ຢາກກ່າວຈາກັບເຈົ້າ
ພວກມັນມາລົມເວົ້າ ຈາຫຍັງເຈົ້າຮູ້ບໍ່
ມັນຮ້ອງຂໍໃຫ້ຂ້ອຍ ຫອມແກ້ມເຈົ້າເບິ່ງດູ
"
"
ເຮີ້ຍ ! ເວົ້າປານເພິ່ນຮູ້ ພວກໝູ່ພາສາປາ
ໜ້າບໍ່ອາຍຈັກນິດ ຊອກກ່ຳໄລຫຼືນີ້
ຟັງດີໆປາມັນເວົ້າ ຟັງເອົາມັນເວົ້າວ່າ
ໜ້າບໍ່ອາຍຊາຍໜ້າເຫຼື້ອມ ເຮົາແນມຈ້ອງກໍ່ບໍ່ອາຍ
"
"
ປາມັນບໍ່ກ່າວຮ້າຍ ປາກດ່າຈາຂົມ ດອກນາ
ມັນຊື່ນຊົມຢາກຈະເຫັນ ຂ້ອຍຫອມຕົວເຈົ້າ
"
"
ເຊົາໆຢ່າມາເວົ້າ ໂລເລບໍ່ເຂົ້າທ່າ
ເບິ່ງແມປາມັນວ່າເຈົ້າ ຊາຍໜ້າດ້ານໜ້າເຫຼື້ອມ ບໍ່ອາຍຟ້າແຜ່ນດິນ "
ພໍເມື່ອເຂົາໄດ້ຍິນແລ້ວ ຍິ່ງແນມເບິ່ງຢ່າງນັກຕາ
ເຂົາຄວາມືມາຫາ ກໍ່ຖືກເຮົາປັດໄວ້
"
ຢ່າມືໄວຫຼາຍແມເຈົ້າ ຄົນເຂົາເຫັນຈະຫາວ່າ
ຂ້ອຍນີ້ໃຫ້ທ່າເຈົ້າ ຕົວເຮົານັ້ນຊິເສື່ອມເສຍ
"
ຂ້ອຍວາຈາເກ້ຍກ່ອມເຈົ້າ ໃຫ້ນັ່ງຢູ່ເສີຍໆ
ເຈົ້າເລີຍທຳບໍ່ສົນໃຈ ນັ່ງປິ່ນຫຼັງໃຫ້ກັບຂ້ອຍ
ຂ້ອຍຄອງຄອຍຕົວເຈົ້າ ວາຈາຄຳໃດນຶ່ງ
ເຈົ້ານັ່ງຊຶມບໍ່ປາກເວົ້າ ເຮົາເລີຍຍິ້ມຢ່າງອີ່ມໃຈ
"
ເຈົ້າມັກບໍດອກໄມ້ ບຸບພະຊາດໃນສະ
ຫວ່າງເຮົາມາເຫັນມັນບານ ຂ້ອຍສະອອນໃຈແທ້
ຂ້ອຍແລເຫັນຝູງເຜິ້ງ ບິນຕອມເກສອນອ່ອນ
ມັນຄ່ອຍໂຮມຄ່ອຍທ້ອນ ເພື່ອໄປໄວ້ໃສ່ຮັງ
"
ນັ່ງຫັນຫຼັງຢູ່ໄດ້ ທຳທ່າບໍ່ສົນໃຈ
"
ຂ້ອຍໄປກ່ອນເດີລະ ນັ່ງຜູ້ດຽວເດີເຈົ້າ
"
ເຂົາຈິ່ງຫັນມາເວົ້າ ນຳເຮົາຄຳມ່ວນ
"
ບໍ່ວ່າຊິດ່ວນຟ້າວ ປະຂ້ອຍນັ່ງຜູ້ດຽວ
"
"
ເຈົ້າບໍ່ຫຼຽວດູຂ້ອຍ ໃຫ້ນັ່ງເຈົ່າເຫງົາໃຈ
ໃຜຈະໄປທົນໄຫວ ນັ່ງມອງແຕ່ໜອງນ້ຳ
"
"
ຂ້ອຍນີ້ທຳໃຫ້ຕົວເຈົ້າ ນັ່ງເຫງົາໃຈເຫິງບໍ່
"
ແລ້ວຕົວເຂົາກໍ່ຍິ້ມ ສາຍຕາເຍີ້ຍໃຫ້ແກ່ເຮົາ
ເຮົາບໍ່ຈັກຊິເວົ້າ ກໍ່ຍິ້ມຕໍ່ກັບເຂົາ
ສາຍຕາເຮົາປະສານກັນ ດັ່ງທັກທາຍກັນໄດ້
ໃນຫົວໃຈຂອງຂ້ອຍ ມີຄວາມຮູ້ສຶກວ່າ
ເຂົາປາຖະໜາຕໍ່ຂ້ອຍ ດ້ວຍຄວາມປຶ້ມປ່ຽມໃຈ
ໃນວັນນັ້ນຂ້ອຍຊ່າງໄດ້ ອີບເອີ່ມຄວາມຜາສຸກ
ທຸກວາຈາຂອງເຂົາ ຊື່ນຊຳຫົວໃຈຂ້ອຍ
ເຂົາຄ່ອຍຍັບມາໃກ້ ມືໄວເມື່ອໃກ້ມໍ່
ຂ້ອຍເລີຍຕໍ່ວ່າເວົ້າ ລັກບາຍຂ້ອຍໄດ້ຈັ່ງໃດ
ພ້ອມສະແດງໃບໜ້າ ອອກທ່າບໍ່ພໍໃຈ
ທັງທີ່ໃນຄວາມເປັນຈິງ ຂ້ອຍຊື່ນຊຳໃຈແທ້
ເຂົາລ່ຳແລຕົວຂ້ອຍ ໃນສາຍຕາທີ່ລ້າລ່ອຍ
ກ່າວຂໍໂທດຕໍ່ຂ້ອຍ ດ້ວຍຄວາມນ້ອຍນ່ຳໃຈ
ທ່າທາງເຂົາເຮັດໃຫ້ ຂ້ອຍຄິດມ່ວນໃນອຸລາ
ຂ້ອຍຈິ່ງຫາວິທີທາງ ເພື່ອໃຫ້ເຂົາເອົາໃຈຂ້ອຍ
ຂ້ອຍເຮັດຕິໃຈນ້ອຍ ວາງຕົວເພື່ອເອົາທ່າ
ແລະບໍ່ຈາກ່າວເວົ້າ ເຂົານັ້ນຍິ່ງອ່ອນໃຈ
ແລ້ວຕົວເຮົາກໍ່ໄດ້ ລຸກຍ່າງເດີນໜີ
ພໍດີ ທິບພະວົງ ຍ່າງເດີນເຂົ້າມາໃກ້
ຂ້ອຍຕົກໃຈນິດໜ້ອຍ ຍາມແນມເຫັນຄົນອື່ນ
ເຂົາກໍ່ຕື່ນສະດຸ້ງ ທັງຍິ້ມໃຫ້ແກ່ເຮົາ
"
ຂໍໂທດທີທີ່ມາເຂົ້າ ຂັດທ່າອາລົມຫວານ
"
ສ່ຽວອ້ວນອຸທານສຽງ ຢອກເຮົາເຊີຍຫຼິ້ນ
ເຮົາບໍ່ຍິນດີດ້ວຍ ເພາະເຂີນອາຍໃນເຫດຜ່ານ
ພ້ອມທັງຢ້ານອ້ວນຊິເວົ້າ ວ່າເຮົານັ້ນໃຫ້ທ່າເຂົາ
ສາວອ້ວນກໍ່ຍິ່ງເວົ້າ ເມື່ອເຂົ້າທ່າເຮົາເຂີນ
"
ຈັ່ງແມ່ນເຮົາເກີນອິດສາ ໃຫ້ໝູ່ເຮົາແທ້ເດນີ້
"
"
ໂຕມີຫຍັງບໍອ້ວນ ກະລຸນາເວົ້າຄ່ອຍໆ
"
ເພາະຂ້ອຍຢ້ານຜູ້ອື່ນຮູ້ ຈຶ່ງລົມອ້ວນໃຫ້ຄ່ອຍຈາ
"
ຕອນອ້ວນມາເຖິງນີ້ ເຫັນຫຍັງບໍ່ໃນສາຍຕາ
"
ອ້ວນບໍ່ຈາຄຳໃດ ນອກຈາກນາງອົມຍິ້ມ
ແລ້ວຄ່ອຍວາຈາຊິ້ມ ເບົາໆເວົ້າຕໍ່
"
ຢາກຮູ້ບໍສິ່ງຂ້ອຍພໍ້ " ແລ້ວອົມຍິ້ມຢ່າງລ່ຽມໃນ
ຕົວເຮົາກໍ່ຍິ່ງໄດ້ ຮ້ອນເຮັ່ງໃນອຸລາ
"
ບອກມານະເຫັນຫຍັງ ເມື່ອໂຕມາເຖິງນີ້
"
ສ່ຽວອ້ວນມີຮອຍຍິ້ມ ທັງສົງໄສຈິ່ງຖາມວ່າ
"
ມີຫຍັງຫວະໂຕຈິ່ງຮ້ອນ ເກີນເລື້ອງທີ່ພົບເຫັນ
ຮູ້ສຶກວ່າໂຕຕື່ນເຕັ້ນ ແປກກວ່າທຳມະດາ
ຫຼືວ່າ ບົວສະບາ ບອກຮັກໂຕໃນວັນນີ້ "
"
ບໍ່ມີຫຍັງດອກໜາອ້ວນ ພຽງຖາມໂຕຢາກຮູ້ວ່າ
ໂຕນັ້ນມາບ່ອນນີ້ ແຕ່ດົນແລ້ວສ່ຳໃດ "
ບົວສະບາ ຈິ່ງໄດ້ ລຸກຍ່າງມາຫາ
"
ບອກມານະ ບົວສະບາ ເຈົ້າເຮັດຫຍັງໃຫ້ຄົນຂ້ອຍ
"
ບົວສະບາ ຖອຍກ້າວ ທັງແນມເຮົາຢ່າງແປກທ່າ
' ບໍ່ວ່ານາງຊິເລົ່າເລື້ອງ ເຮົາບາຍແກ້ມສູ່ໝູ່ຟັງ
'
"
ບໍ່ມີຫຍັງດອກໜາອ້ວນ ພຽງລົມມ່ວນທຳມະດາ
"
ຂ້ອຍກ່າວວາຈາລັດ ເມື່ອເຫັນເຂົາຖອຍກ້າວ
ເຮັດໃຫ້ທາງສາວອ້ວນ ຈາກວນເມື່ອໄດ້ທ່າ
"
ຮູ້ແລ້ວໜາວ່າພວກເຈົ້າ ມີຫຍັງນັ້ນຕໍ່ກັນ
ກ່ອນຂ້ອຍມາເຖິງນັ້ນ ພວກເຈົ້າຢູ່ສອງຄົນ
ບໍ່ຢາກດົນບັນດານຄິດ ວ່າເຮັດຫຍັງກັນນີ້
"
"
ເວົ້າດີໆໃດອ້ວນ ຄຳສົມຄວນຈິ່ງມາວ່າ
ຢ່າໄດ້ຫາວ່າພວກຂ້ອຍ ມີຫຍັງນັ້ນຕໍ່ກັນ
"
"
ເຮົາເວົ້າຢອກເທົ່ານັ້ນ ນະໝູ່
ສຸມາລີ
ຄືຊິມາຖືສາ ວ່າເວົ້າຈິງໄປໄດ້
ຫຼືືໂຕມີໃຈໃຫ້ ເຂົາທຳຫຍັງບໍ່ເຂົ້າຮ່ອມ
ເປັນຍິງຍອມງ່າຍໆນີ້ ຜູ້ຊາຍນັ້ນບໍ່ເຊື່ອໃຈ
"
ແລ້ວຕົວເຮົາກໍ່ໄດ້ ດຶງນາງຫ່າງບົວສະບາ
"
ຄັນຊິຈາຄວາມລັບ ເລື່ອງຜູ້ຍິງເຮົານີ້
ເມື່ອຫາກມິີຜູ້ຊາຍໃກ້ ວາຈາໄປກໍ່ເໝືອນວ່າ
ສ່ຳກັບຂາຍຂີ້ໜ້າ ໂຕເອງນັ້ນໃຫ້ແກ່ເຂົາ
ເທື່ອໜ້າກ່ອນຊິເວົ້າ ກໍ່ຄິດແນ່ຍາມຈາ
ຄວນເບິ່ງຄົນໃນເທສະ ກ່ອນຊິຈາຫຍັງນັ້ນ
ບໍ່ໍ່ແມ່ນທັນຄຳໃດເວົ້າ ຈາເອົາບໍ່ເລືອກທີ່
ມີີສະຕິແດ່ເທື່ອໜ້າ ຢ່າຈາເວົ້າບໍ່ຮິ່ນຕອງ
"
ອ້ວນກໍ່ຢືນມອງໜ້າ ແລະບໍ່ກ່າວຈາຫຍັງ
ພ້ອມທັງຈະເດີນໜີ ສັ່ງລາດ້ວຍຮອຍຍິ້ມ
ນາງຄ່ອຍວາຈາຊິ້ມ "
ຕາມສະບາຍເຖີດນະໝູ່
ອິດສາເດມີຄູ່ເວົ້າ ບາດເຮົານີ້ຂາດຄູ່ຈາ
"
ເວົ້າແລ້ວນາງອວ່າຍໜ້າ ຮີບຍ່າງເດີນໜີ
ພໍໍດີ ບົວສະບາ ຍ່າງມາຮຽງໃກ້
"
ພວກເຮົາເດີນໄປຫຼິ້ນ ແຖວເນີນບ່ອນເດີ່ນຮົ່ມ ດີໃດ "
ພວກເຮົາເດີນຊົມຝັ່ງນ້ຳ ໄປຫາຫຍ້າບ່ອນເດີ່ນເນີນ.
ນາງກຳລັງເພີດເພີນດ້ວຍ ອະດີດແຫ່ງຄວາມຫວານ
ຢ່າງສຸດແສນສຳລານໃຈ ແອບແຝງດ້ວຍຮອຍຍິ້ມ
ຮູ້ສຶກມີຄົນຖິ້ມ ຫີນຝອຍລົງມາໃສ່
ນາງໄວວາຟັ່ງຟ້າວ ຫັນໜ້າສູ່ທີ່ມາ
ແມ່ນໃຜຫວະກ້າກັ່ນແກ້ງ ຍາມເຮົານັ່ງເບີຍອາລົມ
ຍາມເຮົາຊົມຄວາມງາມ ຢູ່ຖິ່ນຮຽມເຄີຍຫວານຊຶ້ງ
ນາງຕ້ອງຊຶງໄປດ້ວຍ ສາຍຕາຕົກຂະມ່າ
ຄົນທີ່ຢືນຢູ່ຕໍ່ໜ້າ ຄືເຂົາແທ້ບໍ່ຕ່າງເລີຍ
ບົວສະບາ ເຜີຍຍິ້ມ ແລ້ວຍ່າງລົງມາ
ເຂົາໄວວາພະລັນເຖິງ ພ້ອມກ່າວຄຳຫວານຊ້ອຍ
"
ສະບາຍດີດວງໃຈຂ້ອຍ ຄົນສວຍທີ່ຮັກໄຄ່
ຫົວໃຈຂ້ອຍມັນຮ່ຳຮ້ອງ ຢາກເຫັນໜ້າເຈົ້າສູ່ວັນ
"
ສຸມາລີ ສຸດຫ້າມກັ້ນ ຕໍ່ສິ່ງທີ່ເຄີຍຫວັງ
ຖ້າຮັກນາງຈິງຈັງ ດັ່ງຄຳເຂົາເວົ້າ
ເປັນຫຍັງເຂົາຄືຖິ້ມ ເມີນເສີຍບໍ່ສົ່ງຂ່າວ
ເຈົ້າຄົບສາວອື່ນແລ້ວ ເລີຍລືມຂ້ອຍຜູ້ຢູ່ຄອຍ
ໃນຫົວໃຈຂອງຂ້ອຍ ຮັກແຕ່ຊາຍດຽວ
ຂ້ອຍປ່ຽວໃຈທໍລະມານ ກວ່າທີ່ຮຽມເຄີຍຫວານຊຶ້ງ
ຂ້ອຍສຸດຫຶງຫວງເຈົ້າ ແຕ່ຕົວເຮົາຕ້ອງເສຍທ່າ
ສອງປີກວ່າແລ້ວທີ່ເຈົ້າ ມີນາງເຂົ້າຮ່ວມບ່ອນນອນ
ໂດຍບໍ່ຄິດຫ່ວງຮ້ອນ ເຖິງຄົນຢູ່ເມືອງລາວ
ພໍມີສາວຄຽງໝອນ ກໍ່ເລົ່າໄລລືມສິ້ນ
ລືມສິນທຳເຄີຍໃຫ້ ສັນຍາໃຈເຄີຍກ່າວ
ລືມຮອດສົ່ງຂ່າວຂ້ອຍ ຈົດໝາຍນ້ອຍກໍ່ບໍ່ເຫັນ
ແຕ່ລະວັນຂ້ອຍບໍ່ເວັ້ນ ນ້ຳຕາຫຼັ່ງໄຫຼຊຶມ
ຄິດຢາກລືມໄປເສຍ ເລື່ອງຜູ້ຊາຍຄົນນີ້
ຊາຍທີ່ມີຄຳເວົ້າ ຄຳສັນຍາລ້າເປົ່າ
ນ້ຳສຽງຈາກປາກເຈົ້າ ມັນຫວານຊຶ້ງແຕ່ເມື່ອຈາ
"
ເຈົ້າຢ່າມາຫາຂ້ອຍ ຈະດີກວ່າ
ບົວສະບາ
ຈັກໜ່ອຍ ມາລາໃຈ ຊິຄຽດຊັງຕົວເຈົ້າ
ຍ້ອນວ່າເຮົາເປັນຄົນເຂົ້າ ມາຂວາງທາງທີ່ນາງຜ່ານ
"
"
ສຸມາລີ ເຈົ້າກ່າວຕ້ານ ຄຳນີ້ໄດ້ຈັ່ງໃດ
"
" ເປັນຫຍັງ ຂ້ອຍຊິເວົ້າບໍ່ໄດ້ ໃນເມື່ອຄວາມຈິງ
ເຈົ້າຮັກຍິງ ມາລາໃຈ ຢູ່ໃນສະໝອງເຈົ້າ
"
"
ເຈົ້າເອົາຫຍັງມາເວົ້າ ສຸມາລີຟັງຂ້ອຍກ່ອນ
ດວງສະໝອນທີ່ຮັກຂ້ອຍ ຄືືເຈົ້າຢູ່ທີ່ໃຈ
"
"
ເຈົ້າກ່າວຫຍັງກໍ່ໄດ້ ໃນເມື່ອຢູ່ກັບຍິງ
ເຈົ້າຊ່າງຈິງໃຈຈາ ວ່າຄຳຫວານລ້ອມ
ເພື່ອຍິງ ຈະຖະໜອມກາຍໃຫ້ ຖະຫວາຍໃຈຍ້ອນຫຼົງເຊື່ອ
ສຸດທ້າຍ ກໍ່ຍັງເຫຼືອແຕ່ເສດເສົ້າ ເພື່ອເອົາໄວ້ໃສ່ໃຈ
"
"
ສຸມາລີ ເຈົ້າຢ່າໄດ້ ປະນາມກ່າວເກີນຈິງ
ຂ້ອຍບໍ່ເຄີຍດູແຄນຍິງ ດັ່ງຄຳວາຈາເຈົ້າ
ຕົວເຮົາຍິນດີໃຫ້ ໄມຕຼີຍິງເພື່ອເປັນໝູ່
ບໍ່ເຄີຍຄິດຄົບເພື່ອຊູ້ ຄືຄວາມເຈົ້າກ່າວຫາ
"
ນ້ຳຕານາງຊຶມອາບໜ້າ ເລີີ່ມຫຼັ່ງລິນຕົກ
ມືນາງຈົກເອົາແພມົນ ເພື່ອຊັບນ້ຳຕາ
ທີ່ໄຫຼຍ້ອຍ
ສອງດວງຕາຄອຍແນມໜ້າ ໃນສາຍຕາທີ່ຂົມຂື່ນ
ສາຍຕາຝືນສິ່ງໂອ້ ແຝງຊ້ອນສິ່ງໃນ
ນາງບໍ່ອາດກັ້ນໄວ້ ນ້ຳຕາແຫ່ງຄວາມອັບ
ນ້ຳຕາຄວາມອາພັບ ຕໍ່ສິ່ງເຄີຍຫວັງໄວ້
ນາງທຸ້ມເທກາຍໃຫ້ ຫວັງໃຈຈະຊ້ອຍຊື່ນ
ແຕ່ຕ້ອງຂົມຂື່ນເສົ້າ ເມື່ອເຂົານັ້ນຫ່າງລາ
ຈາກວັນຄືນພົບໜ້າ ຕ້ອງລາຫ່າງໄກແສນ
ແຟນເອີຍແຟນສຸດທີ່ຮັກ ໄດ້ຈາກໄປໄກແລ້ວ
ໄປຕາມແລວກະແສກວ້າງ ເຮືອນາວາລອຍລ່ອງ
ຂ້ອຍຫຼຽວມອງສົ່ງເຈົ້າ ຈົນເຮືອນັ້ນລັບຫາຍ
ຕົວເຮົາຈິ່ງຍ່າງຍ້າຍ ຄືນສູ່ເຄຫາ
ຢາດນ້ຳຕາລິນຕົກ ຄິດຫ່ວງນຳຕົວເຈົ້າ
ຢ້ານຍາມເຮົາໄກເຍີ້ນ ສາຍສຳພັນຊິໄກຫ່າງ
ຢ້ານແຕ່ທາງຝ່າຍເຈົ້າ ຊິແປປີ້ນປ່ຽນໃຈ
ເພາະຍິງອື່ນທີ່ຢູ່ໃກ້ ນາງຊ່າງຄາລົມຫວານ
ຢ້ານນ້ຳຕານລວງມົດ ໃຫ້ລຸ່ມຫຼົງຄວາມຫວານໄດ້
ຢ້ານແຕ່ຍິງຄົນໃກ້ ມາລາໃຈ ຈະຊີງກ່ອນ
ຊີງຮັກຕອນເຈົ້າຫ່າງຂ້ອຍ ເອົາໄປຊ້ອນຮ່ວມໝອນ
ເຈົ້າຮູ້ບໍ່ຂ້ອຍເດືອດຮ້ອນ ປັ່ນປ່ວນພຽງໃດ
ກັບຈົດໝາຍ ມາລາໃຈ ໄດ້ສົ່ງມາຫາຂ້ອຍ
ຫົວໃຈເຮົາມັນຄ້ອຍ ເໝືອນຈະຕາຍມ້ອຍລະແມ່ງ
ກັບຄຳ ນາງຖະແຫຼງຕໍ່ຂ້ອຍ ເປັນຄຳເວົ້າທີ່ສຽບໃຈ
ຂ້ອຍໄດ້ພຽງນັ່ງໄຫ້ ກັບການອ່ານຈົດໝາຍ
ນາງບັນຍາຍຄວາມຮັກ ພັກດີຊິດໃກ້
ນາງວ່າໃຈຂອງເຈົ້າ ຫວັງພຽງນາງຢ່າງແນ້ວແນ່
ເຈົ້າດູແລຍາມປ່ວຍໄຂ້ ຊິດໃກ້ຮັກຫອມ
ແລະຕົວເຈົ້າກໍ່ພ້ອມ ທີ່ຈະແຕ່ງກັບນາງ
ຈະຮ່ວມປາງຄຽງໝອນ ຮ່ວມຊອນສະເຫວີຍເນື້ອ
ຮ່ວມເຫື່ອໄຄໄຫຼຍ້ອຍ ຮ່ວມຊອຍຫອມບາດຖີ່ໆ
ຮ່ວມສະຫວາດລົດຊາດນີ້ ຈະມີຂຶ້ນຮ່ວມກັນ
ເຈົ້າຮູ້ບໍໃນມື້ນັ້ນ ຂ້ອຍນ້ອຍນ່ຳພຽງໃດ
ຫົວໃຈເຮົາມັນຈະພັງ ແຕກກະຈາຍເປັນຊິ້ນ
ມັນມຸ່ນມິນດ້ວຍຮອຍລ້າວ ກັບຮອຍຫຼາວສຽບໃສ່
ເໝືອນມີໄຟນະລົກຮ້ອນ ມັນເຜົາໄໝ້ທຸກສ່ວນກາຍ
ບົວສະບາ ຄ່ອຍຍ້າຍ ຊິດມໍ່
ສຸມາລີ
ພ້ອມທັັງມີແວວຕາ ບອກວ່າເຂົາຜິດໄປແລ້ວ
ໃນແວວຕາຂໍຮ້ອງ ອະໄພເຂົາຈັກຄັ້ງແດ່
ຂໍແຜ່ ເມດຕາໃຈຈາກເຈົ້າ ເພື່ອເຮົາໄດ້ຮັກກັນ
ສອງພາບນັ້ນຄ່ອຍຊ້າ ລອຍເລື່ອນຈຳຊິດ
ອາດເປັນພົມລິຄິດ ຈາກຈິດກໍ່ເປັນໄດ້
ສຸມາລີ ນາງໄຫ້ ທວງໃນແສນຂົມຂື່ນ
ນາງມືນຕາຂຶ້ນເບິ່ງໜ້າ ເຂົານັ້ນຢ່າງແຜ່ວເບົາ
ສອງດວງຕາເສົ້າໆ ນ້ຳຕາຫຼັ່ງນອງໄຫຼ
ນາງພໍໃຈໃນຕົວເຂົາ ຢາກຮ່ວມເນົາຮຽງໃກ້
ແຕ່ສິ່ງນາງມີໃຫ້ ເປັນຂວັນໃຈຢ້ານແລ້ງຄ່າ
ຢາດນ້ຳຕານາງຈິ່ງຍ້ອຍ ສອງແກ້ມຜ່ານລົງ
ມັນໄດ້ໄຫຼອອກຫົ້ງ ເບົ້າຫຼໍ່ສອງຕາ
ແລ້ວເລີ່ມລິນລົງມາ ອາບສອງພວງແກ້ມ
ໄຫຼຈາກແຄມຫາງຕາສ້ວຍ ທາງຫົວຕາກໍ່ຢາດສົ່ງ
ໄຫຼປະສົງເພື່ອໃຫ້ ຄວາມເສົ້າຈົ່ງຈືດຈາງ
ໄຫຼປະສົງເພື່ອລ້າງ ອະດີດແຫ່ງຄວາມຂົມ
ຄວາມລະທົມທວງໃນ ເມື່ອຫ່າງໄກເຂົານັ້ນ
ຄວາມໄຝ່ຝັນຂອງນາງມ້າງ ສະຫຼາຍລົງສິ້ນເສື່ອມ
ຄວາມຮັກເຄີຍເປື່ອມລົ້ນ ໃນຊວງນັ້ນໄດ້ສະຫຼາຍ
ແຕ່ນາງບໍ່ອາດຮ້າຍ ຫຼືໂທດຕໍ່ຄົນໃດ
ແມ່ນແຕ່ໃຈຂອງນາງເອງ ກໍ່ຫາກຍັງອະໄພໄດ້
ນາງເສຍໃຈໃນການສ້າງ ສາຍສຳພັນບໍ່ທັນແກ່ນ
ຄວາມຮັກພວມຊິຮັດແໜ້ນ ນາງນັ້ນຕ້ອງຫ່າງເຂົາ
ບົວສະບາ ກ່າວເວົ້າ ເພື່ອອອຍອຸ່ນ
ສຸມາລີ
" ຄົນເຮົາ ມີວິຖີຊີວິດ ທີ່ຜູກພັນກັນໄດ້
ເຈົ້າຢ່າເສຍໃຈໄຫ້ ຊາມໄວຂ້ອຍຮັກຍິ່ງ
ໃນໃຈຈິງຂ້ອຍຮັບຮູ້ ວ່າເຮົານັ້ນຮັກກັນ
"
ສຸມາລີ ບໍ່ອາດກັ້ນ ຄວາມຫວັ່ນທວງໃນ
ທັງຫົວໃຈຕົນຕົວ ເລີ່ມມຶນຊາແລ້ວ
ມືກອດແອວເຂົາໄວ້ ຫົວໃຈມັນແສນສັ່ນ
ນາງຫວັ່ນໄຫວເພາະວ່າຮູ້ ໃນບາງເລື້ອງທີ່ເຊື່ອງກັນ
ຄາວເມື່ອບົວສະບານັ້ນ ໄປຮຽນຢູ່ແດນໄກ
ເຂົາມີ ມາລາໃຈ ຢູ່ຄອຍຄຽງໃກ້
ແລະໝັ່ນພຽນໄປໃຫ້ ກຳລັງໃຈ
ບໍ່ເຄີຍຫ່າງ
ສຳລັບນາງມັນອາດໜ້ອຍ ການໃຫ້ຮັກຮ່ວມຝັນ
ເປັນດ້ວຍເຫດດັ່ງກ່າວນັ້ນ ນາງຈິ່ງໝົ່ນອຸລາໝອງ
ນ້ຳຕານອງລິນລົງ ອາບສອງພວງແກ້ມ
ຄວາມຮັກເຄີຍບານແຍ້ມ ແກມຫອມໄດ້ປີ້ນປ່ຽນ
ນາງຕິຕຽນອະດີດນັ້ນ ນາງຍັງດ້ອຍເລື່ອງຄູ່ຄອງ
ຕາສອງຄູ່ເລີ່ມຈ້ອງ ມອງແນບນຽນເລິກ
ເບີກຄວາມຈິງຂອງຫົວໃຈ ໃຫ້ກັນໄດ້ເຫັນຮູ້
ພວກເຂົາດູໃບໜ້າ ດວງຕາທີ່ປຽກຊຸ່ມ
ເບິ່ງທຸກມູມທີ່ໂອ້ ວ່າມັນປຶ້ມປ່ຽມໃຈ
ຈູບຂອງເຂົາເລີ່ມໃຫ້ ຄວາມອຸ່ນແຫ່ງຊວງອົກ
ສິ່ງປົກປິດໃນໃຈ ໄດ້ລະບາຍອອກມາແລ້ວ
ຫົວໃຈເຄີຍມີແປ້ວ ພວມເປັນແປວຮັກອີກໃໝ່
ເຂົາກອດນາງແໜ້ນໄວ້ ໃຫ້ໃຈເຕັ້ນຕໍ່ຊວງ
'
ຂ້ອຍເຄີຍທວງຮັກໄວ້ ວ່າຂໍແນບນວນນາງ
ແຕ່ພໍພຽງວາງຄຳ ກ່າວລົງສັນນັ້ນ
ເຈົ້າກໍ່ຫັນຈາເວົ້າ ເຊົາໄມຕຼີມິດຕະພາບ
ອະດີດເຄີຍຊາບຊຶ້ງ ມັນເລີຍໄຮ້ຄ່າໝາຍ
ຂ້ອຍຖືກຄວາມຝັນຮ້າຍ ມັນຂູ່ເຂັນອົກ
ມໍລະດົກສາຍໃຈ ໄດ້ຫຼັ່ງລົງລິນຍ້ອຍ
ຄວາມຫງອຍເຫງົາມາເຂົ້າ ທຽມກາຍໝາຍຮ່ວມ
ຊີວິດພວມຖືກຢ້ຳ ດ້ວຍຄວາມເສົ້າແສບທວງ
ພໍຫຼາຍວັນລ່ວງເຂົ້າ ເຮົາຍິ່ງເຫງົາໃຈ
ຈົນເຖິງວັນພວກເຮົາໄປ ກ່ຽວເຂົ້ານຳກັນນັ້ນ
ຂ້ອຍຈິ່ງສຸກສັນສ້າງ ໃນວາຈາເຈົ້າເວົ້າມ່ວນ
ຮັກໄດ້ຫອມຫ່ວນຂຶ້ນ ເມື່ອເຫັນເຈົ້າຍິ້ມສົ່ງມາ
ສິ່ງທີ່ເຮົາລໍຖ້າ ຮູ້ສຶກວ່າເປັນຈິງ
ຍິງທີ່ຮຽມແລຫຼິງ ແລະຫ່ວງໄຍຫວັງໄວ້
ນຶ່ງໃນສອງໃຜຈະໃຫ້ ຄວາມພໍໃຈແກ່ເຮົາກ່ອນ
ແລ້ວເຈົ້າກໍ່ປ້ອນຮັກໃຫ້ ຫົວໃຈຂ້ອຍຊື່ນກະສັນ
ຫ່ວງຄວາມຝັນອະດີດນັ້ນ ມັນເກີດເປັນຈິງ
ຍິງຜູ້ຮຽມເຄີຍຮັກ ປ່ຽມໃນໃຈນັ້ນ
ບໍ່ແມ່ນຄວາມຝັນແລ້ງ ແໜງໃຈໄຮ້ຄ່າ
'
ສອງແວວຕາເລີ່ມໃຫ້ ຄວາມຊຶ້ງແຫ່ງຮັກເຂົາ
ສຸມາລີ ໝູບເຂົ້າ ເນົາແນບໃນເອິກ ເຂົາແລ້ວ
ເບີກດວງຕາແນມເຂົາ ແລ້ວກ່າວລົງດ້ວຍຄວາມຄ້ອຍ
"
ຂໍອະໄພໃນຕົວຂ້ອຍ ທີ່ີ່ຫວັງຄອຍຄອງຄູ່
ຫວັງຮ່ວມດວງຍອດຊູ້ ທີ່ເຄີຍເວົ້າວ່າຮັກເຮົາ
ວັນນັ້ນຂ້ອຍບໍ່ອາດເວົ້າ ວ່າເຮົາຮັກໃຫ້ເປັນສຽງ
ເພາະເຈົ້າ ເຫັນແກ່ພຽງຄວາມຮັກ ແຫ່ງໃຈຕົວເອງນັ້ນ
ໂດຍບໍ່ຫັນຫຼິງຢ້ຽມ ຄະນິງຮຽມຈັກໜ່ອຍ
ທຸກວັນຄືນຄ່ຳຄ້ອຍ ຂ້ອຍຄອຍເສົ້າຫງ່ວມເຫງົາ
"
"
ສຸມາລີ ຢ່າຈົ່ມເວົ້າ ຫຼືໂທດຕໍ່ຕົນເອງ
ຢ່າກົວເກງຄວາມຈິງ ທີ່ມີໃນໃຈນັ້ນ
ເຮົາອາດຍັງສຳພັນສ້າງ ຄວາມງາມໃຫ້ຜຸດຜ່ອງ
ເຈົ້າຢ່າໝອງໝົ່ນເສົ້າ ເຊົາສິ້ນເສື່ອມຫວັງ
ຄວາມຮັກບໍ່ອາດຢັ້ງ ຝັງເຂດເປັນຫຼັກ
ຮັັກບໍ່ມີກົດເກນ ທີ່ແນ່ນອນເປັນເຄົ້າ
ຄວາມດີບູຮານເວົ້າ ຊຸມເຮົາໃຫ້ຄິດທົ່ວ
' ໄດ້ຈິ່ງເປັນຜົວເມຍ ເສຍກໍ່ເປັນພີ່ນ້ອງ
' ປອງດອງສ້າງສິ່ງດີ
"
ສຸມາລີ ບໍ່ອາດເວົ້າ ພຽງຄັ່ງຢູ່ໃນອົກ
ອັນນີ້ນໍ ແປວໄຟຂອງນະຣົກ ແຫ່ງຫົວໃຈນັ້ນ
ມັນບໍ່ເປັນໄຟຮ້ອນ ເປັນພຽງໄຟຂົມຂື່ນ
ໄຟກ້ຳກືນແສບເສົ້າ ແສນຮ້ອນເຮັ່ງທວງ
ອັນວ່າໂລກໜ່ວຍກວ້າງ ຫຼາຍສິ່ງພາສຸກ
ມີຫຼາຍອັນພາທຸກ ໂສກໃນໃຈຮ້ອນ
ຄວາມຜິດຫວັງຍັງເປັນຄ້ອນ ຫຼອນຕີຊວງໃຫ້ແຕກມຸ່ນ
ຄວາມຮັກຍັງກໍ່ວຸ້ນ ໃຫ້ໃຈຂຸ້ນໝົ່ນໝອງ
ແຕ່່ນາງບໍ່ອາດຮ້ອງ ຫຼືຂໍຕໍ່ປານີ
ຄວາມໂສກີໃນທວງ ແຫ່ງນາງພໍແລ້ວ
ຫົວໃຈນາງແຫຼວເລ້ ປົນເປປຽກຊຸ່ມ
ເພາະມີຂຸມຮັກສ້າງ ນ້ຳໃຈຮ້າງຈິ່ງຖ້ວມຊວງ
"
ເຈົ້າເຄີຍຫວງຂ້ອຍໄວ້ ເໝືອນແຫ່ງໃຈຈິງ ແທ້ນາ
ແຕ່ເປັນຫຍັງ ພໍມີຍິງມາເຕາະ ກໍ່ປ່ຽນແປງໄປພ້ອມ
ຈິ່ງລືມຄົນຖະໜອມເຝົ້າ ເອົາໃຈນຳທຸກເຊົ້າຄໍ່າ
ເຈົ້າທຳລາຍ ໝາກຫົວໃຈແຫ່ງຂ້ອຍ ໃຫ້ເປັນແປ້ວປ່ວຍໃນ
ເຈົ້າທຳລາຍເມື່ອໄດ້ ທຸກສິ່ງສົມຫວັງ
ທຳລາຍທັງຕົນຕົວ ແຫ່ງສາວທີ່ມີໄວ້
ພໍເມື່ອສົມໃຈແມ້ງ ມີີແຮງແລ້ວປະປ່ອຍ
ໂດຍບໍ່ຄິດຫ່ວງຂ້ອຍ ຜູ້້ຄອຍເຊົ້າຄ່ຳແລງ
ເຈົ້າຫວັງພຽງກັ່ນແກ້ງ ແຫກແລ່ງຄວາມສາວ
ເຈົ້າຫວັງພຽງຕົວະຍົວະ ຫຼອກລວງໃຫ້ຮຽມຊ້ຳ
ຄວາມໜຳໃຈຂ້ອຍພໍແລ້ວ ພໍໆຢ່າມີຕໍ່
ຂ້ອຍພໍແລ້ວຄວາມໂສກເສົ້າ ທີ່ຕົວເຈົ້າໄດ້ມອບມາ "
ເວົ້າແລ້ວນາງບໍ່ຊ້າ ຍັບຫ່າງຈາກຕົວເຂົາ
ບົົວສະບາເດົາໃນ ສ່ວນເລິກໃຈນາງໄດ້
ເຂົາຈິ່ງຍອມວາງໃຫ້ ນາງຖອຍໄປໜ້ອຍໜຶ່ງ
ແລ້ວຕົວເຂົາຈຶ່ງເວົ້າ ວອນນ້ອມໜ່ຽວຄອຍ
" ສຸມາລີ ! ເຈົ້າຢ່າຫາວ່າຂ້ອຍ ຂາດເສື່ອມຄວາມຫວັງ
ຮັັກສອງເຮົາຍັງເປັນຈິງ ຊິິຂາດກັນບໍ່ເປັນໄດ້
ຂ້ອຍເສຍໃຈເໝືອນກັບເຈົ້າ ເສຍໃຈທຸກສິ່ງຢ່າງ
ເສຍໃຈ ທີ່ີ່ໄດ້ວາງປ່ອຍໃຫ້ ໃຈເຈົ້າເສົ້າໝອງ
ຂ້ອຍນີ້ຂໍກ່າວຮ້ອງ ບອກແຫ່ງຄວາມຈິງ
ເຈົ້າຄື ຍອດຍິງໃນດວງໃຈ ແຫ່ງຮຽມສະເໝີເຄົ້າ
ດວງໃຈຮຽມມີເຈົ້າ ຄົນດຽວບໍ່ເຄີຍປ່ຽນ
ຫົວໃຈຂ້ອຍຂຽນຮັກເຈົ້າ ບໍ່ມີມື້ຊິປ່ຽນຜັນ
"
"
ປາກຜູ້ຊາຍຍ່ອມເຊັ່ນນັ້ນ ເວົ້າແຕ່ຄວາມລວງ
ບອກວ່າຫວງແສນຮັກ ພັກດີພຽງນ້ອງ
ບາດຫ່າງໄກຄອງສ້າງ ໄມຕຼີຍິງໃໝ່
ບົດຮຽນໃຈຈາກເຈົ້າ ຂ້ອຍພໍແລ້ວຢ່າຕື່ມເຕີມ
"
"
ຍິງທີ່ຮຽມເສີມສ້າງ ຄວາມເຊື່ອໃນໃຈ
ຍິງອື່ນໃດບໍ່ເຄີຍມີ ເທົ່າທັນທຽມເຈົ້າ
ຫົວໃຈເຮົາເຫງົາເສົ້າ ຫວນຄະນິງຍາມຫ່າງ
ຄິດຫ່ວງນາງຢູ່ບໍ່ແລ້ວ ພຽງມື້ທີ່ຫ່າງລາ
"
ບົວສະບາ ຜໍ່ຊ້າ ຈູບລົງທີ່ຫາງຕາ ນາງແລ້ວ
ກອດເອົາ ສຸມາລີ ເຂົ້າທວງທຽມເນື້ອ
ສຸມາລີ ເຝືອຝັ້ນ ດອມເຂົາວູບໜຶ່ງ
ແລ້ວມືນາງຈຶ່ງຍູ້ ເຂົານັ້ນອອກຈາກຊວງ
"
ເຈົ້າຫວະເປັນຫ່ວງຂ້ອຍ ຄັ້ງຜ່ານນານເຫິງ
ເຈົ້າບັນເທິງຄວາມສຸກ ຈາກຕົວຮຽມແລ້ວ
ບໍ່ເຫັນແວວມາໃກ້ ຄວາມຈິງໃຈແຮງໄຮ້ຄ່າ
ໃນອະດີດຜ່ານມາ ນ້ຳຕາຮຽມໄຫຼອາບໜ້າ ຫົວໃຈລ້າເມື່ອຍເຫງົາ
ບົວສະບາ ແຈ່ມເຈົ້າ ຄັ້ງເລົ່າເລີຍມາ
ໜ້າຈົດໝາຍປິດຊອງ ສົ່ງມາກໍ່ຫາຍຈ້ອຍ
ຮຽມນີ້ຄອຍຕົວເຈົ້າ ກັບຄວາມເຫງົາສາບແສ່ງ
ຕົວເຈົ້ານັ້ນກັ່ນແກ້ງ ແໜງໜ້າໜ່າຍຮຽມ
ເຈົ້ານັ້ນຄົງປ່ຽມລົ້ນ ໄຫຼຫຼັ່ງດີໃຈ
ທີ່ີ່ໄດ້ຊົມຕົວຍິງ ຜູ້ຮ່າງບາງຄີງນ້ອຍ
ໂດຍບໍ່ເຫັນໃຈຂ້ອຍ ຄົນພອຍໃຈໄພສວ່ານ
ຄວາມມັນຫວານສະຫວາດເນື້ອ ຍາມເຝືອຝັ້ນຊື່ນກະສັນ
ເຈົ້ານັ້ນຄົງກ່າວເວົ້າ ຫຍາມມິ່ນຕົວຮຽມ
ວ່າເປັນຍິງທຽມໃຈ ເພື່ອຄາຍຄວາມເອົ້າ
ຄາຍຄວາມເຫງົາຍາມຮ້າງ ແຮມໄກຍິງອື່ນ
ມື້ນີ້ ພຽງແວ່ຊົມຊື່ນເນື້ອ ເຝືອຝັ້ນໃຫ້ສວ່າງໃຈ ແມ່ນບໍ ? "
"
ສຸມາລີ ເຈົ້າຈົ່ງໄດ້ ຟັງກ່ອນໃຈເຢັນ ໜ້ອຍນາ
ຂ້ອຍເຫັນ ເຈົ້າເປັນພຽງຄົນຮັກ ອື່ນໃດບໍ່ເປັນໄດ້
ໃນດວງໃຈຂອງຂ້ອຍ ບໍ່ເຄີຍຄອຍເຖິງຍິງອື່ນ
ທຸກວັນຄືນຄ່ຳເຊົ້າ ມີີເຈົ້າຢູ່ທີ່ໃຈ "
ສຸມາລີ ພຽງແຕ່ໄດ້ ແນມເບິ່ງ
ບົວສະບາ
ໄນຕານາງເນົາສະນິດ ບໍ່ເລື່ອນລອຍຂວາຊ້າຍ
ດວງຕານາງໝາຍຮູ້ ຄວາມຈິງໃຈແຈ້ງແຈ່ມ
ບົວສະບາ ຈູບຝ່າຍແກ້ມ ແຄມຊ້າຍໄຫຼ່ຄໍ
ສຸມາລີ ຜໍ່ຊ້າ ຊຶມເຊືອບນິດໆ
ພິດສະວົງຂອງຫົວໃຈ ເຮັ່ງໃນຮົນຮ້ອນ
ແຕ່ກໍ່ຖອນໃຈໄວ້ ກັນໄຟທີ່ຮ້ອນເຮັ່ງ
ຕາເນັ່ງແນເຂົາຕໍ່ໜ້າ ແລ້ວຈາເວົ້າຢ່າງອ່ອນນວນ
"
ກິ່ນຫອມຫ່ວນຈາກປາກເຈົ້າ ມັນຫອມກວ່າມາລາ
ຍ້ອນນ້ຳຕາຮຽມຫົດ ຈິ່ງຊຸ່ມເຢັນຫອມຊຶ້ງ
ຂ້ອຍຂາດຄວາມຫຶງຫວງເຈົ້າ ຕົວຊາຍຈິ່ງມີໃໝ່
ແລ້ວຈິ່ງໄລປ່ອຍຂ້ອຍ ໃຫ້ຄອຍຊ້ຳຢູ່ຜູ້ດຽວ
ຍ້ອນຂ້ອຍໄກເຈົ້າຈິ່ງກ້ຽວ ຍິງໃໝ່ມາເຊີຍ
ບໍ່ໜ້າເລີຍຄົນເຄີຍຮັກ ແລະຫ່ວງບູຊານັ້ນ
ເປັນພຽງຄວາມຝັນແລ້ງ ລົມໆລ້າເປົ່າ
ແມ່ນຫຼືບໍ່ຂ້ອຍເວົ້າ ມັນລ້ວນແຕ່ເລື່ອງຈິງ
"
ບົວສະບາ ຫຼິງລ່ຳໄວ້ ຈິດອ່ອນຖອນໃຈ
ເຂົາບໍ່ວາຈາໄຂ ແຕ່ກອດນາງເຂົ້າຫາເນື້ອ
ນາງສຸດເຫຼືອໃຈໃຫ້ ຍິງຄົນໄກຂຽນມາໃສ່
ເຖິງບໍ່ໄຂດ່າເວົ້າ ແຕ່ເຮົານັ້ນກໍ່ປ່ວຍໃຈ
ສອງປີຫຼັງຮຽມເຄີຍໄດ້ ຈົດໝາຍສົ່ງມາເຖິງ
ເຊິ່ງເນື້ອໃນຈົດໝາຍ ໄດ້ເລົ່າມາຈາໄວ້
ມາລາໃຈ ຂຽນຂໍ້ ຄວາມຫວານລົງໄວ້້ວ່າ
"
ຂ້ອຍໄດ້ມາທ່ຽວຫ້ອງ ເມືອງກວ້າງທີ່ຊື່ລື
ຢູ່່ທີ່ນັ້ນແຕ່ລະມື້ ຂ້ອຍໄປທ່ຽວຢ່າງສຸກສັນ
ສາຍສຳພັນຂອງເຮົາ ກໍ່ຜູກພັນຫຼາຍຂຶ້ນ
ສົດຊື່ນໃຈຈິງແທ້ ຍາມເດີນຄຽງຄົນຮັກໄຄ່
ມີເລື່ອງໜຶ່ງເຮົາຈື່ໄດ້ ໂຕເຄີຍເວົ້າຕໍ່ເຮົາ
ລະຫວ່າງຂ້ອຍແລະເຈົ້າ ເຮົາຮັກຮ່ວມອຸດົມການ
ຄວາມສຸກສຳລານຂອງເຮົາ ກໍ່ດັ່ງໂຕສະເໝີດ້າມ
ເຮົາບໍ່ຄວນມອງຂ້າມ ສາຍສຳພັນທີ່ຜຸດຜ່ອງ
ສອງຄົນເຮົາເໝືອນພີ່ນ້ອງ ປອງດອງສ້າງຊ່ວຍກັນ
ເຈົ້າຈື່ບໍມື້ນັ້ນ ໂຕເຄີຍວ່າແນວໃດ
ເມື່ອໃຜໄປກັບເຂົາ ກໍ່ຈົ່ງດີໃຈດ້ວຍ
"
ຂ້ອຍປ່ວຍໃຈແສນເສົ້າ ລິນນອງນ້ຳຕາຫຼັ່ງ
ຮັກເຄີຍຫວັງຕໍ່ເຈົ້າ ເລີ່ມໝົດສິ້ນເສື່ອມສູນ
ສະໝອງຂ້ອຍຄິດວຸ້ນ ນຳແຕ່ຈົດໝາຍ
ນາງຍັງບັນຍາຍມາ ໃສ່ເຮົາອີກສັນນີ້
"
ຂ້ອຍມີເຂົາຢູ່ຄຽງຂ້າງ ຍາມເດີນຍ້າຍຍ່າງ
ຂ້ອຍຊ່າງແສນປາບປຶ້ມ ສຸກໃຈແທ້ກວ່າທີ່ໃດ
ມື້ໜຶ່ງເຮົາໄປຫຼິ້ນ ເຂດທ່ອງທ່ຽວເທິງພູ
ໂຕຮູ້ບໍພວກເຮົາໄປ ເຮັດຫຍັງໃນວັນນັ້ນ
"
ຕົວເຮົາສຸດແສນກັ້ນ ວິນວຽນປວດຂະໝ່ອມ
ເຮົານີ້ຍ່ອມຝ່າຍແພ້ ໃຫ້ນາງແທ້ແນ່ນອນ
ຫົວອົກຮຽມສຸດຮຸ່ມຮ້ອນ ເຊັນສັ່ນກາຍາ
ຢາດນ້ຳຕາຮຽມໄຫຼ ຫຼັ່ງລົງບໍ່ຫວັງກັ້ນ
"
ເຮົາພາກັນໄປຫຼິ້ນ ສະກີຍາວເດີນລ່ອງ
ເປັນເຫດໃຫ້ເຮົາຕ້ອງລົ້ມ ເດີນນັ້ນແທບບໍ່ໄຫວ
ບົວສະບາ ຈຳເປັນໄດ້ ອູ້ມເຮົາຍ່າງໄກແສນ
"
ຮຽມແຄ້ນເຈັບດວງໃຈ ເມືື່ອຍຕົວຈວນລົ້ມ
ເກືອບເປັນລົມເມື່ອຍາມໄດ້ ເຫັນຈົດໝາຍທີ່ນາງວ່າ
ຢາດນ້ຳຕາຮຽມຍິ່ງຍ້ອຍ ແຕ່ທົນໄວ້ອ່ານຕໍ່ໄປ
"
ອາດແກວ່ນເຄີຍລູບໄລ້ ອູ້ມຮ່າງກາຍາ ຕິບໍ
ມາໃກ້ຮຽມທີໃດ ກໍ່ຈູບຫອມທີນັ້ນ
ບາງຄັ້ງເຮົາພະລັນຟ້າວ ຄວາມືປັດໄປ່
ຖ້າເຂົາຈູບບໍ່ໄດ້ ເຂົານັ້ນບໍ່ຫ່ອນຍອມ ແທ້ໃດ
ບາງຄັ້ງຫອມຝ່າຍແກ້ມ ແລ້ວຈູບໄຫຼ່ຕາມຊິດ
ຈູບແຄມຄໍນິດໆ ແລ້ວກອດແອວເຮົາໄວ້
ເຮົາກໍ່ໄວວາຟ້າວ ດຶງມືເຂົາອອກຮີບດ່ວນ
ເຂົາກວນເຮົາຢູ່ຄູ່ມື້ ຍາມນອນຫຼິ້ນຢູ່ຫ້ອງເຂົາ
ເອົາລະເຮົາບໍ່ຢາກເວົ້າ ເພາະເສຍທ່າເຂົາຫຼາຍ
ຄິດລະອາຍຕົວເອງ ທີ່ອ່ອນແອໃຈທໍ້
ເປັນເພາະເຮົາຫຼົງຫຼົ້ມ ຄາລົມເຂົານີ້ລະໝູ່
ເຂົາຈິ່ງຢູທ່າງອູ້ມ ຫອມຫຼິ້ນທຸກໆວັນ
ຢູ່ພີ້ສິ່ງເຫຼົ່ານັ້ນ ມັນເປັນເລື່ອງທຳມະດາ
ຖ້າວ່າເປັນເມືອງເຮົາ ອາດຖືກຕົບໄປຫຼາຍຄັ້ງ
ເຮົາຍັງມີຫຼາຍເລື້ອງ ຈະຂຽນມາເວົ້າຕໍ່
ໂຕຄົງບໍ່ຄິດຮ້າຍ ອິດສາໃຫ້ຕໍ່ເຮົາ ຕິບໍ "
"
ສຸມາລີ ເຈົ້ານິ້ງ ໃຈລອຍເລື່ອນໄປໃສ "
ນ້ຳຕານາງໄຫຼຊຶມ ຢາດຮຳໃບໜ້າ
"
ຂ້ອຍຕ້ອງການມາຫາເຈົ້າ ຂວັນໃຈຮຽມທີ່ຮັກຍິ່ງ
ເຈົ້າເປັນຍິງທີ່ຂ້ອຍ ບໍ່ລືມໄດ້ທຸກວີ່ວັນ
"
ສຸມາລີ ຫັນໜ້າ ມາເບິ່ງ ບົວສະບາ
ຢາດນ້ຳຕາໄຫຼຊຶມ ແລ້ວໝູບຫົວເຂົ້າຊິດໃກ້
ນາງຕ້ອງການຈະໃຫ້ ພະລັງໃຈເຕີມຕໍ່
ພຽງພໍແລ້ວຄວາມບອບຊ້ຳ ທີ່ນາງໄດ້ຮັບມາ
ນາງຄ່ອຍວາຈາເວົ້າ ຖາມຕໍ່
ບົວສະບາ
"
ເຈົ້າມາຫາຮຽມຈິງຫຼື " ແລ້ວພັບຕາຫຼັບນິ້ງ
ບົົວສະບາ ຫຼິງດູໜ້າ ຍາມນິດທາຢູ່ເທິງບ່າ
ເຊັດນ້ຳຕາທີ່ຢາດຍ້ອຍ ແລ້ວຫອມແກ້ມຄ່ອຍປອບໃຈ
ບົວສະບາ ຄ່ອຍກອດໄວ້ ແນບນາງໃສ່ຊວງອົກ
ເຂົາຍິນດີຕົກລົງໃຈ ໃຫ້ຮັກນາງເປັນເຄົ້າ
ຈູບເບົາໆພຽງພ້ອມ ສະເໜຫາທີ່ຮ້ອນເຮັ່ງ
ຍິນສຽງເພງຈາກປ່າໄມ້ ໃບຫຍ້າເມື່ອຖືກລົມ
ນ້ຳໃນໜອງຟາດຟົ້ງ ຍາມນົກເວີ່ນລົງໂຕນ
ໄມ້ໂອ່ນເອນໄປມາ ເມື່ອຖືກລົມຕີຕ້ອງ
ພວກໝູ່ປາຫົວຊ້ອງ ມອງພວກເຂົາຢູ່ແຄມຝັ່ງ
ຢູ່ຂ້າງຫຼັງແລະໜ້າ ແມງກະເບື້ອເວີ່ນບິນ
"
ເຈົ້າໄດ້ຍິນບໍປານ້ອຍ ມັນຈາຕໍ່ກັບເຮົາ
ເຈົ້າຮູ້ບໍມັນນິນທາ ວ່າເຈົ້າຄົນຫຼາຍໃຈນີ້
"
"
ບໍ່ເຫັນມີໂຕໃດເວົ້າ " "
ແນມເບິ່ງເອົາຢູ່ແຄມຝັ່ງ
ໂຕນັ້ນຍັງວ່າໃຫ້ເຈົ້າ ມາເຊີຍຫຼິ້ນຫຼອກເຮົາ
ພວກມັນເວົ້າວ່າເຈົ້າ ເປັນຊາຍບໍ່ໃຈຈິງ
ຮັກມາກມາຍຫຼາຍຍິງ ແມ່ນບໍຄຳປາເວົ້າ
"
"
ສຸມາລີ ເອີຍເຈົ້າ ຕົວເຮົາຂໍບອກວ່າ "
ນາງສາວແນມເບິ່ງໜ້າ "
ສາບານໄວ້ໃຫ້ເລື່ອງຈິງ ເທາະເນີ
"
"
ເຈົ້າເປັນຍິງທີ່ຂ້ອຍມຸ້ງ ໝາຍມຸ່ງໝົດໃຈ
ບໍ່ມີໃຜຈະແທນ ທຽບນວນນົງເຈົ້າ
ຖ້າຫາກໃນຄຳເວົ້າ ຂອງເຮົາລໍ້ລ່າຍ
ຂໍໃຫ້ຕາຍຕໍ່ໜ້າເຈົ້າ ຖ້າເປັນເວົ້າທີ່ລວງ
ແມ່ນຢູ່ໂລກໜ່ວຍກວ້າງ ມີມາກມາຍຍິງ
ແຕ່ຮັກຈິງຫົວໃຈຮຽມ ແມ່ນມີພຽງເຈົ້າ
ມີພຽງໂສມສະເຫຼົາຫຼ້າ ຜີວນວນນຽນຜ່ອງ
ທີ່ປະຄອງຂ້ອຍໄວ້ ໃຫ້ທົນສູ້ສິ່ງອ່ອນແອ
ເຈົ້າຄືຜູ້ຜາບແພ້ ທຸກສິ່ງເທິງໃຈ
ເຈົ້າຄືໄຊຊະນະ ທີ່ຮຽມໝາຍໄວ້
ຂ້ອຍຂໍໄຂໃຈເວົ້າ ວອນວານເທວະລາດ
ຂ້ອຍບໍ່ອາດຂາດເຈົ້າ ພຽງສ້ຽວຊົ່ວຍາມ
"
ສຸມາລີ ສຸດຫັກຫ້າມ ກັບຄຳກ່າວຂອງເຂົາ
ເຈົ້າກ່າວສາບານໃຈ ຢ້ານເຈົ້າຕາຍຕົວລ້າ
ຄິດວ່າເຮົາບໍ່ເຄີຍຮູ້ ຕົວຊາຍມີຍິງອື່ນ ຊັ້ນບໍ
ເຈົ້າຢ່າຝືນປາກເວົ້າ ໂດຍໃຈເຈົ້າບໍ່ດັ່ງກັນ ເທາະນາ
ຄຳສາບານຈາກເຈົ້ານັ້ນ ຂ້ອຍມັນເມື່ອຍມາດົນ
ຫົວໃຈຮຽມທົນມາ ກວ່າສອງປີແລ້ວ
ວີ່ແວວຈົດໝາຍເຈົ້າ ສະບັບດຽວກໍ່ບໍ່ສົ່ງ
ເຈົ້າປົງໃຈຈາກຂ້ອຍ ໄປຊົມຊ້ອນຜູ້ອື່ນເສີຍ
ມາລາໃຈ ເຄີຍເຜີຍເວົ້າ ຈົດໝາຍສົ່ງມາຫາ
" ເຈົ້າວ່າ ບົວສະບາກັບເຮົາ ຄູ່ຄວນກັນຫຼືນີ້
ຖ້າໂຕຍິນດີດ້ວຍ ໃຫ້ສອງເຮົາເປັນເນື້ອຄູ່ ກັນນັ້ນ
ເຈົ້າຈົ່ງຕອບໃຫ້ຂ້ອຍຮູ້ ໄວໆຖ້ອນເພື່ອນແພງ
ບໍ່ແມ່ນເຮົາກັ່ນແກ້ງ ຂຽນອວດທ່າໃຫ້ໂຕໃດ
ເຮົາເວົ້າດ້ວຍຄວາມຈິງໃຈ ຢາກໃຫ້ໂຕຫວນຮູ້
"
ຂ້ອຍອ່ານດູນາງຂຽນຂໍ້ ຄວາມໃນທີ່ຊຶ້ງຊ່າ
ນ້ຳຕາຮຽມມັນຫຼັ່ງຍ້ອຍ ຄອຍກັ້ນກໍ່ບໍ່ໄຫວ
ເຈົ້າຮູ້ບໍຂ້ອຍໄຫ້ ຕິດຕໍ່ຫຼາຍຄືນ
ຂ້ອຍຂື່ນຂົມໃຈເຈັບ ປວດທວງທັງເນື້ອ
ຂ້ອຍມາເຫຼືອໃຈໄຫ້ ນຳໃຈຊາຍມີຫຼາຍແງ່
ເຈົ້າບອກວ່າຮັກຂ້ອຍແທ້ ແຕ່ໃຈເຈົ້າກໍ່ປ່ຽນແປງ
ກວ່ານ້ຳຕາຈະເຫືອດແຫ້ງ ຂ້ອຍຕ້ອງຈ່ອຍຕົວຜອມ
ກວ່າທີ່ໃຈຈະຍອມຮັບ ສະພາບຄວາມເປັນຈິງນັ້ນ
ຕົວຂອງຮຽມຢາກຈະກັ້ນ ຊີວາວາຍໄປຫຼາຍເທື່ອ
ຂ້ອຍສຸດແສນເບື່ອເຈົ້າ ທຳເຮົາເສົ້າແສບບໍ່ຫາຍ
ສິ່ງນັ້ນຄືເຫດຮ້າຍ ທີ່ຮຽມຈື່ຈຳຈົດ
ມັນນັ້ນຄືບົດຮຽນ ຮັກທີ່ມີໃນໃຈຂ້ອຍ
ຂ້ອຍຄອງຄອຍຈົດໝາຍເຈົ້າ ຈະຂຽນມາກໍ່ລ້າເປົ່າ
ຫຼາຍສະບັບຂຽນໃຫ້ເຈົ້າ ແຕ່ຕົວເຈົ້າບໍ່ຕອບມາ
ຂ້ອຍຈຳຕ້ອງອວ່າຍໜ້າ ມາສູ່ຄວາມເສຍໃຈ
ປຼາໄຊໃນຄວາມຮັກ ທີ່ຮຽມບູຊາໄວ້
ຊາດນີ້ຫົວໃຈຂ້ອຍ ບໍ່ສົມຫວັງແລ້ວຄັ້ງໜຶ່ງ
ຮັກເຊິ່ງຮຽມວ່າເລີດລ້ຳ ຍັງທຳໃຫ້ໝົ່ນໝອງ
ຫົວໃຈຮຽມຢາກຮຽກຟ້ອງ ຕໍ່ໍ່ວ່າພຼະອິນທາ
ເທວະດາພຼະຍາເຂົາ ດັ່ງນິຍາຍເຂົາເວົ້າ
ຊ່ວຍໄປນຳເອົາເຈົ້າ ມາຫາຮຽມເພື່ອລົງໂທດ
ບໍ່ແມ່ນຂ້ອຍໂກດແຄ້ນ ຫຼືຫວັງຂ້າເຂັ່ນຊາຍ
ແຕ່ຢາກໝາຍຮັກຂ້ອຍ ທີ່ມີຕໍ່ຊາຕຼີ
ຮັກທີ່ມີໃນຫົວໃຈ ຢາກໃຫ້ຊາຍໄດ້ເຫັນຮູ້
ວ່າຄູ່ຄວນແລ້ວບໍເຈົ້າ ຍາມຊາຍມີຮັກໃໝ່
ຮັກສ່ຳໃດຂ້ອຍຮັກເຈົ້າ ຕົວເຈົ້າຈິ່ງເລົ່າລືມ
ບາງຄັ້ງເຮົາຢາກດື່ມເຫຼົ້າ ໃຫ້ເມົາກວ່າຮຽມເມົາຮັກ
ດື່ມໃຫ້ເມົາຄັກໆ ເພື່ອໃຫ້ລືມຕົວເຈົ້າ
ແຕ່ຕົວເຮົາບໍ່ທຳໄດ້ ກັບຄວາມເມົາທີ່ເຄີຍວ່າ
ເພາະຫົວໃຈຖືກເຂັ່ນຂ້າ ກາຍານັ້ນຕ້ອງເຂັ້ມແຂງ
ຂ້ອຍຈິ່ງແພງຖະໜອມໄວ້ ເຮືອນຮ່າງກາຍາ
ໃຫ້ໄດ້ມາເຖິງຄວາມສຸກ ທີ່ຮຽມຈະມີໄດ້
ເພາະບໍ່ມີໃຜມາໃຫ້ ຄວາມສຸກໃຈໄປມາກກວ່າ
ຖ້າວ່າເຮົາບໍ່ໃຫ້ ຄວາມສຸກໄວ້ໃຫ້ແກ່ຕົນ
ເຖິງວ່າເຮົາຊິລົ້ມ ຖະຫຼາຫຼົ່ມຫົວໃຈ
ເຖິງນ້ຳຕາຈະໄຫຼ ຢາດລິນບໍ່ວາຍເວັ້ນ
ເຖິງຈະເປັນຄົນເສົ້າ ເຫງົາໃຈຄິດຮອດພີ່
ຄວາມສຸກໃນຊີວິດນີ້ ຕົວຂ້ອຍຕ້ອງໃຫ້ມີ
ຍ້ອນເຫດຜົນເຊັ່ນນີ້ ຂ້ອຍຈິ່ງທຳໃຈ
ເພາະວ່າ ບໍ່ມີໃຜໃນໂລກາ ໃຫ້ຮັກເຮົາເໜືອເຮົາໄດ້
ຄວາມສຸກໃຈເຮົາຄວນສ້າງ ດ້ວຍຕົວເຮົາຈະດີກວ່າ
ຖ້າຜູ້ອື່ນມາສ້າງໃຫ້ ເປັນຄວາມເພີ້ໄຝ່ຝັນ
ສັດຈະທຳຂໍ້ນັ້ນ ບອກບົ່ງຕັດສິນໃຈ
ເຮົາຮັກໃນຕົວເຮົາເອງ ກວ່າທີ່ຄົນເຂົາໃຫ້
ເພື່ອຫົວໃຈຈະໄດ້ ປະສົບຄວາມຫວ່າງເປົ່າ
ແລ້ວຈະລືມຄວາມໂສກເສົ້າ ທີ່ເຄີຍໄດ້ຮັບມາ
ສຸມາລີ ວ່າເວົ້າ ຕໍ່ວ່າ ບົວສະບາ
"
ເຈົ້າກ້າສາບານຄວາມຮັກ ເຖິງຂັ້ນປົງຊີວາໄດ້
ຂ້ອຍວ່າໃຈຂອງເຈົ້າ ສາບານຜິດໄປແລ້ວພີ່
ເຈົ້າສາບານເຊັ່ນນີ້ ຢ້ານຕາຍລ້າດ່ວນພະລັນ
"
"
ເປັນຫຍັງໃຈເຈົ້ານັ້ນ ຈິ່ງຄິດຕ່ຳຄວາມຊາມ
ຄວາມດີງາມໃນຫົວໃຈ ຂ້ອຍມີໃຫ້ພຽງເຈົ້າ
ຮັກທີ່ຮຽມຝັນເຝົ້າ ໃນຫົວໃຈມີພຽງອຸ່ນ
ສິ່ງຜູກພັນຄືນມື້ນັ້ນ ມັນຝັນເຝົ້າຕະຫຼອດການ
"
"
ເບິ່ງແມປາໝູ່ນັ້ນ ມັນຕໍ່ວ່າຕົວເຮົາ
"
"
ມັນເວົ້າແນວໃດລະ ເບິ່ງພວກມັນຄືຍິ້ມ
"
ເຂົາຈູບຮິມສົບນ້ອຍ ເບົາໆເມື່ອໄດ້ທ່າ
"
ກໍ່ມັນວ່າໃຫ້ເຈົ້າ ສາບານເວົ້າໄດ້ຈັ່ງໃດ
ທັງທີ່ໃຈຂອງເຈົ້າ ມີຍິງອື່ນເປັນຄວາມສຸກ
"
ນາງເອົາແຂນດັນຊຸກ ເພື່ອຍູ້ຕົວເຂົາໄວ້
"
ເປັນຈັ່ງໃດປາມັນເວົ້າ ຕຳໃຈດຳເຈົ້າຫຼືບໍ່
? "
ບົວສະບາ ກໍ່ຍິ້ມ ແລ້ວຫອມແກ້ມໃຫ້ຊື່ນໃຈ
"
ເຈົ້າຈື່ບໍສິ່ງຄິດໄວ້ ຄາວກ່ອນເຄີຍຈາ
ເຈົ້າວ່າ ສາຍທາລາແຖວໃດນໍ ທີ່ງົດງາມຈັບໃຈເຈົ້າ
ຄຳວາຈາທີ່ເຄີຍເວົ້າ ກັບຄວາມຝັນທີ່ພົ້ນຜ່ານ
ຢູ່ຮິມທານຝັ່ງນ້ຳ ປຸກເຮືອນສ້າງກໍ່ແປງ
"
ນົກເຕັນຊີວເໝືອນກັ່ນແກ້ງ ອິດສາຕໍ່ສອງເຂົາ
ບິນສາບເອົາປາຊີວ ທີ່ລອຍຢູ່ຊິດໃກ້
ສຸມາລີ ຕົກໃຈແທ້ ທັງຕົວສະເດີດຕື່ນ
ສາຍຕາຫຶນໃສ່ນົກນ້ອຍ ແລ້ວໄຂຍິ້ມໃຫ້ແກ່ເຂົາ
"
ເຫັນບໍ່ປາມັນກ່າວເວົ້າ ບໍ່ຖືກແຫ່ງຄວາມຈິງ
ນົກຫຼິງເຫັນມັນຈາຜິດ ຈິ່ງເວີ່ນເອົາໄປກິນຈ້ອຍ
ເພາະນົກເຫັນໃຈຂ້ອຍ ທີ່ຂືນຟັງປາເວົ້າໃສ່
ນົກເລີຍອົດບໍ່ໄດ້ ຈິ່ງໂຕນຕ້າມສວາບກິນ
"
ສຸມາລີ ໄດ້ຍິນແລ້ວ ຍິ່ງແນມເບິ່ງ
ບົວສະບາ
ສົົ່ງສາຍຕາຫວານໆ ແລ້ວຄ່ອຍເຜີຍຮອຍຍິ້ມ
ສິ່ງທີ່ນາງຍິນດີດ້ວຍ ຄືຄວາມຫວັງຕັ້ງຕົ້ນໃໝ່
ຄວາມຮັກນາງໃກ້ຊິໄດ້ ເຖິງບັ້ນບ່ອນຈິງ
ບົວສະບາ ຫຼິງດູໜ້າ ແລ້ວຈູບຕື່ມສົບບາງ
ສ່ວນນາງສາວ ສຸມາລີ ກໍ່ຈູບຄືນນິດໜ້ອຍ
ມືຄ່ອຍຈັບໂລມເລົ້າ ອາລົມຄ່ອຍຮ້ອນເຮັ່ງ
ສາຍລົມເຢັນພັດປ່າຫຍ້າ ໃຫ້ໃບເນີ້ງອວ່າຍໜີ
"
ວັນນີ້ຂ້ອຍຂໍບອກເຈົ້າ ນະທີ່ຮັກ
ສຸມາລີ
ຍິງທີ່ມີໃນຫົວໃຈ ແຫ່ງຮຽມຄືເຈົ້າ
ຮັກສອງເຮົາມັນເນົານິ້ງ ໃນຫົວໃຈຢ່າງໝັ້ນແກ່ນ
ສ່ວນເລິກໃຈຂ້ອຍຮັດແໜ້ນ ມີພຽງເຈົ້າແຕ່ຜູ້ດຽວ
ຕົວຂ້ອຍ ຢາກໄດ້ເຈົ້າມາກ່ອມກ້ຽວ ນອນຮ່ວມສະເໜຫາ
ຄູ່ນິດທາຂອງຊີວິດ ຮ່ວມຕຽງຮຽງຊ້ອນ
ຂ້ອຍຂໍນອນໝູນເອິກເຈົ້າ ຈັກຄືນຈະໄດ້ບໍ່
? "
" ບ້າ ! ຂໍໍ້ສະເໜີແບບນີ້ ຕົວຂ້ອຍບໍ່ຮັບເອົາ
"
"
ເປັນຫຍັງເຈົ້າຈິ່ງເວົ້າ ປາກບໍ່ກົງໃຈ
"
"
ເອົາອັນໃດເປັນຫຼັກຖານ ສິ່ງຢັ້ງຢືນມີບໍເຈົ້າ
? ''
"
ກໍ່ໍ່ວາຈາຄຳເວົ້າ ກັບກິລິຍາມັນແຕກຕ່າງ ນີ້ນາ "
"
ຍັບອອກຫ່າງຂ້ອຍໜ້ອຍ ຫັນໃຈນ້ອຍບໍ່ອີ່ມພໍ
"
"
ເຈົ້າຮູ້ບໍ່ຂ້ອຍນີ້ຄ້ອຍ ນ້ອຍນ່ຳພຽງໃດ
ມື້ຈາກໄກໄລຄົນຮັກ ຢູ່ຝັ່ງຂອງໃນວັນນັ້ນ
"
"
ກໍ່ມັນເປັນຫົວໃຈເຈົ້າ ຕົວເຮົາບໍ່ຊ່າງວ່າ
"
"
ເມື່ອຂ້ອຍຫ່າງໜ້າເຈົ້າ ຕົວເຈົ້ົ້າຄິດເຊັ່ນໃດ
"
"
ຕົວຂ້ອຍກໍ່ບໍ່ໄດ້ ຄິດວ່າອັນໃດ
ເຈົ້າກໍ່ໄປຕາມພາລະ ຊິກ່ຽວຫຍັງກັບຂ້ອຍ
"
"
ຂ້ອຍມັກຄົນເຮັດໃຈນ້ອຍ ທຳງອນນີ້ລະມ່ວນ
ກິ່ນຫອມຫ່ວນຈາກເນື້ອເຈົ້າ ມັນແສນຊຶ້ງຊື່ນໃຈ ຂ້ອຍເດ "
"
ໃຜອະນຸຍາດໃຫ້ເຈົ້າ ລັກດົມກິ່ນຕົວເຮົາ
"
ນາງເອົາແຂນດັນຊຸກ ຍູ້ຕົວເຂົາໄວ້
"
ບໍ່ຫ່ອນມີໃຜແລ້ວ ກໍ່ຕົວເຮົາປະສົງຊອບ
''
"
ຂ້ອຍບໍ່ໄດ້ມອບໃຫ້ເຈົ້າ ລັກດົມໄດ້ຈັ່ງໃດ
"
"
ອັນວ່າກິ່ນດອກໄມ້ ມັນຫອມຫ່ວນຕາມລົມ
ແຕ່ກິິ່ນນາງຫອມຍາມຊົມ ກອດແອວເຂົ້າມາໃກ້
ຫອມຕິດໃຈຈົນຊຶ້ງ ຂໍດົມອີກຄັ້ງໜຶ່ງ
"
ເຂົາດຶງນາງເຂົ້າໃກ້ ຈົນໄດ້ກິ່ນສາວ
ສອງມືເຂົາກອດນ້າວ ແນບນາງໃສ່ຊວງເອິກ
ປ່ອຍໃຫ້ ສ່ວນເລິກຂອງຫົວໃຈ ໄນ່ນວນຊວນຊ້ອນ
ຊຶມຊັບຊອນສະນິດແໜ້ນ ສຸດແສນຈະໂອ້ອ່າວ
ສະເໜຫາບ່າວສາວ ມັນໄດ້ຊຶມເຊື່ອມໃຫ້ ເປັນເນື້ອໜຶ່ງດຽວ
ມືເຂົາເລີ່ມສອດກ້ຽວ ລູບຮ່າງແອວບາງ
ຈູບປາຍຄາງເບົາໆ ແລ້ວສູ່ຄໍແຄມຊ້າຍ
ຈູບຕາມຄໍລຽນຍ້າຍ ໝາຍມາເບື້ອງຂວາຕໍ່
ສຸມາລີ ຜໍ່ຊ້າ ຫຼັບຊຶ້ງເຊືອບຕາ
ບົວສະບາ ຄ່ອຍຊ້າ ລູບໄປທີ່ຊວງເອິກ
ລູບເບົາໆຊູນເລິກໆ ກໍ່ໄດ້ຍິນສຽງອ້ອຍ
ເຂົາຄ່ອຍບາຍຂວາຊ້າຍ ຊູນປາຍເນັ້ນຄ່ອຍໆ
ນາງປ່ອຍຕົວນິ້ງໆ ຫັນໃຈຂຶ້ນບາດຄ່ອຍແຮງ
ໜ້າຂອງນາງແດງຂຶ້ນ ອ່ອນໆຊວນຫອມ
ໄຝ່ພະນອມຍາມຊິດ ແນບເຊີຍຊູນເນື້ອ
ບົວສະບາ ປົດດູມເສື້ອ ອົກເຕັມງາມສວດອຸ່ມທຸ່ມ
ນາງຮູ້ສຶກຮຸ່ມຮ້ອນ ຍາມເຂົາເລົ້າລຸ່ມຂາ
ຄວາມມຶນຊາເຊືອບຊຶ້ງ ສຽວຊ່ານໄປໝົດ
ເຂົາປົດດູມທັງຊິບ ລູບເຂົ້າໄປຂ້າງໃນພ້ອມ
ນາງບໍ່ທັນຍອມໃຫ້ ມືເຂົາໄປເຖິງເທື່ອ
ຢາດເຫື່ອຊຶມຢູ່ໜ້າ ກາຍາຮ້ອນເຮັ່ງໄຟ
ນາງເອົາມືລັດໄວ້ ຍັບແອວຫ່າງຈັກນິດ
ພະຍາຍາມປິດຊິບ ແລະໃສ່ດູມເອົາໄວ້
ຫົວໃຈນາງມັນເຕັ້ນ ແຮງໆບາດຖີ່ໆ
ບົວສະບາຈີ້ເຂົ້າໃກ້ ມືືຊ້າຍລູບສ່ວນຂາ
ມືືຂວາດຶງແອວເຂົ້າ ປາກຈູບຕໍ່ຕິດຄໍ
ສຽງອືອໍເບົາໆ ສັ່ນເຄືອສຽງເວົ້າ
ພໍມືເຂົາບາຍເຂົ້າ ເຖິງກາງຂາກໍ່ນິ້ງຮ່າງ
ບາງຄັ້ງນາງຕື່ນສະດຸ້ງ ຍາມມືເນັ້ນແຕ່ລະທີ
ຮ່າງກາຍທຸກທີ່ລ້ວນ ສຽວຊ່ານນານແສນ
ແຂນຂວາເຂົາດຶງແອວຮັດ ເບື້ອງຊ້າຍໄຂດູມສົ້ງ
ເຂົາສົ່ງມືໂລມໄລ້ ແຄມແອວບາດຄ່ອຍໆ
ເຂົາປ່ອຍມືເຂົ້າໃກ້ ນາງນິ້ງບໍ່ເຄື່ອນເໜັງ
ເຂົາຄ່ອຍໆເລັ່ງເລົ້າ ລູບຕໍ່ໃຫ້ເຖິງຈຸດ
ມືນາງຄວາມາຢຸດ ແລ້ວຄ່ອຍດຶງອອກມາໄວ້
ຫົວໃຈເຂົາຄວນຄາງຮ້ອງ ໃນອາລົມສຸດຝັນໄຝ່
ນາງຕ້ອງການເພື່ອໃຫ້ ຄວາມຊຶ້ງນັ້ນຕໍ່ເຕີມ
ບົວສະບາ ຄ່ອຍເລີ້ມ ລູບຂາອ່ອນໄປມາ
ນາງຮູ້ສຶກເຢັນຊາ ວາບຫວິວຫົວໃຈແທ້
ມືຂອງເຂົາຄ່ອຍຈັບແກ້ ເບົາໆຊູດຄ່ອຍໆ
ຊູດລົງເທື່ອລະໜ້ອຍ ມືກຳເລົ້າລູບຫວ່າງຂາ
ດວງຕານາງຫຼັບນິ້ງ ຊຶ້ງຊ່າສຸດແສນ
ສອງແຂນນາງຈັບຮັດ ໂຮບແອວເຂົາໄວ້
ບາງຄັ້ງຫັນໃຈຂຶ້ນ ແຮງໆບາດຫ່າງໆ
ອາລົມນາງເຖິງຂີດແລ້ວ ນາງເຖິງແກ້ເຄື່ອງເຂົາ
ມືຂອງນາງຄ່ອຍເລົ້າ ລູບຕໍ່ບົວສະບາ
ຍັບຫວ່າງຂາມາຕິດ ແລ້ວເນີ້ງຕົວລົງພື້ນ
ນອນນິ້ງລົງຜືນຫຍ້າ ກາຍາມັນຊຶ້ງຊ່າ
ບົວສະບາ ແຮງເລັ່ງເລົ້າ ເພື່ອມັນເຂົ້າງ່າຍດີ
ໜ້ອຍໜຶ່ງມີສຽງຮ້ອງ ຄ່ອຍໆ
ອຸ໋ຍ ເຈັບ
ນາງເກັບສຽງຄວນຄາງ ຮ່າງກາຍກະຫາຍພ້ອມ
ປາກເຂົາຫອມພວງແກ້ມ ແຄມຄໍຈູບກະນ່ຳ
ມືຂອງເຂົາແຕ່ລະກ້ຳ ໂລມເລົ້າທຸກສ່ວນຕົວ
ຈົນກວ່າຍິນສຽງອ້ອຍ ຄ່ອຍໆຄວນຄາງ
ນາງວາງຕົວໃຫ້ມັນດີ ແລ້ວຄ່ອຍຕີງແອວພ້ອມ
ເຂົາຈູບຄໍຫອມແກ້ມ ຕົວເໜັງຕີງບາດຄ່ອຍໆ
ຍິນສຽງນາງອິ່ນອ້ອຍ ມັນແສນຊ້ອຍເສື່ອນສຽວ
ຮ່າງກາຍທຸກສ່ວນສ້ຽວ ຮ້ອນຮຸ່ມສຸມອົກ
ແມ່ນແຕ່ ມໍລະດົກໃນກາຍ ມອບໝາຍໃຫ້ກັນໄດ້
ເມື່ອເຂົາ ຈູບທີ່ໃດຍິນສຽງອ້ອຍ ເບົາໆໂອ້ອິ່ນ
ສຸດແສນຫອມກິ່ນເນື້ອ ກະຈາຍກົ້ວໃຫ້ແກ່ກັນ
ຄວາມຫວານມັນລັ່ນລົ້ນ ລຸດລົ່ນທົນຈະໄຫວ
ເໝືອນຫົວໃຈຈວນດັບ ຂາດກະເດັນດັນຟົ້ງ
ທຸກສ້ຽວກາຍຄົງໄວ້ ໃນວິມານແມນເມກ
ລອຍລ່ອງເໝືອນຖືກເສກໄວ້ ໃນວັງກວ້າງແຫ່ງສະຫວັນ
ທຸກສ່ວນກາຍວາລະນັ້ນ ມັນຊ່າງແສນສະໜຸກ
ມີີຄວາມສຸກທັງກາຍໃຈ ສິ່ງໃດຈະທຽມໄດ້
ນີ້ນໍໄຟຮົນຮ້ອນ ກາມະລົມລວຍເຫດ
ເປັນກິເລດລຸກໄໝ້ ຫົວໃຈມ້ອຍມິ່ງມອນ
ແຕ່ເວລາບໍ່ອາດຢ້ອນ ຄັ້ງເກົ່າໃຫ້ຫວນກັບ
ປ່ອຍໃຫ້ເປັນຄວາມອາພັບ ທັບທວງຄົງຄ້າງ
ສຸມາລີ ນາງໄຫ້ ດວງໃຈວາບວູ່
ນາງຍູ້ເຂົາອອກຂ້າງ ນ້ຳຕາຍ້ອຍຄ່ອຍຢາດລົງ
ນາງຟັ່ງຟ້າວນຸ່ງສົ້ງ ແລ້ວຄ່ອຍສາງຜົມ
ບົວສະບາ ແນມຊົມ ຄິດອິ່ນດູນາງດ້ວຍ
ຮູບຮ່າງຄີງກົມສ້ວຍ ນຽນສວຍທຸກໆທີ່
ຂ້ອຍດີໃຈທີ່ເຈົ້າ ມີພຽງຂ້ອຍຢູ່ທີ່ໃຈ
"
ສຸມາລີ ເຈົ້າຢ່າໄດ້ ນ້ຳຕາຫຼັ່ງເສຍໃຈ ເທາະນາ
ຂ້ອຍຈະໄປວອນຂໍ ເພື່ອແຕ່ງດອງກັບເຈົ້າ
ລູກຜູ້ຊາຍມີຄຳເວົ້າ ສັດຈະທຳແທ້ທ່ຽງ
ຂ້ອຍພ້ອມພຽງເພື່ອເຂົ້າ ຮຽງເຈົ້າຮ່ວມວິວາ
"
ສຸມາລີ ແນມເບິ່ງໜ້າ ຜະຫວາພາກພູມໃຈ
ເມື່ອໄດ້ຍິນ ບົວສະບາ ກ່າວຈາສັນນັ້ນ
ຄວາມຝັນຂອງນາງໃກ້ ຈະເປັນຈິງຢ່າງໝັ້ນທ່ຽງ
ນາງອ່ຽງຕົວມາສູ່ຂ້າງ ແລ້ວຫຼັບນິ້ງຊົ່ວອຶ໋ດໃຈ
ທຸກສິ່ງໃນນະທີ່ນັ້ນ ມັນຊ່າງສວຍສົດ
ຊ່າງງົດງາມເຫຼືອຄະນາ ແຜ່ນຫຍ້າຂຽວປູພື້ນ
ຈາກວັນຄືນນາງເຄີຍເສົ້າ ເຫງົາທວງໃນທຸກທີ່
ວັນນີ້ນາງເລີ່ມຍິ້ມ ຫົວໄດ້ຢ່າງຊື່ນໃຈ
ແວດລ້ອມເປັນພະຍານໃຫ້ ທັງຄູ່ບັນຈົບ
ໃຫ້ພົບພຽງຄວາມສຸກສັນ ຍິ່ງຍືນນານລ້ຳ
ທັງສອງມີຄຳໝັ້ນ ສັນຍາໃຈໄວ້ວ່າ
ຈະຮັກເທົ່າດິນຄູ່ຟ້າ ຍືນຍົງໝັ້ນຊົ່ວນິລັນດຣ໌.
No comments:
Post a Comment